Kolumne: Abgasb’schiss und Schummelbundestrass B15 neu

icon_gehschorschgeh-4

 

„Des passt für 2016:
Abgasb’schiss und Schummelbundestrass B15 neu

 

Da hab I vor Weihnachten auf Tölz umme müasn. 137 km je zuar Hälftn Autobahn und Landstrass hab i in oanadreiviertel Stund g’schafft. Auf der Rückfahrt hab i nach 20 km von der Autobahn obe müassn, weil überall Stau war. I bin also so zwischen Sechzge uns Achtzge über d’Landstrass hoam g’fahrn. Und welch a Wunder, i hab in mei Auto Diesel eini gefahrn.

Mei Bordcomputer hot für die „Wegstrecke“, des is de Streck, de wo i mit dem Tank no fahrn ko, immer mehra Kilometer o’zoagt. I schwörs Euch, i bin net beim Tanken g’wen.

 

Da is mia der Abgasskandal eig’falln. VW, AUDI, Porsche und no a poor, ham ihre Kunden b’schissn, indems in de Motorsteuerung a neue Software eibaut ham. De Politiker und viele andere ham des dann „Schummelsoftware“ g’nennt. Des alloa is scho a Skandal, des so harmlos zu nenna.

 

A jeda Kunde moant, er tuat was guats, wenn er a so a Auto kauft. Derwei schluckan de Kistn vui mehr Sprit, als ogebn worn is und haun natürlich an vui mehr Dreck naus, vor allem bei Schnellfahrten auf de Autobahnen.

 

Wenn ma jetzt, statt de B15 als Landstrass, de B15 neu im Autobahnformat baut, dann passt des ganz guat zua dem Abgasskandal. Warum? Weil auf der B15 neu als Autobahn fahr ma schnella, braucha dann a mehra Sprit und haun hint a mehra Dreck naus.

 

Zusätzlich kannt ma in de nächsten zehn Jahr durchs langsamer Fahrn mehra einsparn, als durch die Elektrifizierung von unsre Autos. Zumindest solang, bis ma nimmer net alle paar hundert Kilometer zwoa Stund zum Auflodn steh bleim müasn.

 

Also lasst`s uns langsamer fahrn, auf Bundesstraßn mit höchsten 100 km/h!
A Schummelbundestrass, wia de B15 neu brauch ma net, weil des is B’schiss und des war no a weiderer Abgasskandal!

 

Fürs neue Jahr hab i mir vorgnumma, i fahr Diesel in mei Auto eini!
Deats mit!


Euer
Geh Schorsch Geh

 

p.s.: No was, auf meiner Hoamfahrt hab i nur 10 Minuten länger braucht.
‚Wegstrecke‘ zoagt mia o, wia weit i bei gleicher Fahrweise noch fahrn ko. Wenn i, wia bei der Fahrt nach Tölz vorher auf der Autobahn gfahrn bin, und nachher auf der Landstrass fahr, wird die Kilometeranzeige mehra, weil i weniger verbrauch als vorher. Des is Diesel eini fahrn.“

 

5. 1. 2017

Neueste Beiträge

Stop B15 neu © 2021 Impressum und Datenschutz